Policia italiane ka shkatërruar një bandë droge e përbërë nga shqiptarë e rumunë që prej vitesh operonte mes Firences dhe Pratos. Banda transportohej nga Amerika e Jugut gjithashtu edhe nga Evropa drejt Italisë. Malli përpunohej, paketohej dhe më pas shitej.
Kur Guardia di Finanza ka hyrë në bazat e tyre, ka gjetur 100 kilogramë marijuanë dhe hashash, mbi 5 kilogramë kokainë, së bashku me 676 mijë euro cash, si dhe dy pistoleta dhe 500 gëzhoja të kalibrit 9x21.
Në pranga kanë rënë 5 persona, tre në arrest shtëpie dhe dy të tjerë në burg.
Hetimet bënë të mundur zbulimin se banda kishte krijuar bazën e saj operacionale në Prato dhe se sillte sasi të mëdha kokaine, hashash dhe marihuanë në zonën e Firences dhe më pas e trafikonte në të gjithë Toskanën, raporton Ansa.
Grupi kriminale ishte e strukturuar në mënyrë të tillë që të kujdesej për çdo fazë: nga furnizimi i lëndës narkotike, transporti, si dhe përpunimi i drogës deri te shpërmdarja në zona të ndryshme të Toskanës.
Banda ka qenë shumë aktive edhe pse më parë disa persona të grupit kanë rënë në pranga.
Ky është momenti kur policia italiane ka sekuestruar 676 mijë euro, 100 kg marijuanë dhe hashash, mbi 5 kilogramë kokainë, gjatë një operacioni ku është goditur një bandë shqiptaro-romune, në provincat e Firences dhe Pratos në Itali.
Policia ka zhvillosur raftet metalike për të nxjerrë shufrat që ishin plot me pako me euro cash, gjithsej 676 mijë
Hetuesit, kanë zbuluar se banda, e përbërë nga shqiptarë dhe rumunë, vepronte midis Firences dhe Pratos të paktën që nga viti 2021.
