Një ngjarje e rëndë është shënuar në Bologna të Italisë, ku një grua shqiptare është hedhur nga ballkoni për t’i shpëtuar burrit të saj, i cili po e dhunonte.
Shqiptarja, e cila është një nënë po ashtu, u hodh nga gati i dytë i banesës. Fatmirësisht raportohet se është gjallë, por në gjendje të rëndë shëndetësore.
Ngjarja ka ndodhur në via Zanardi, në mesnatën e të enjtes dhe të premtes, kur dhe u transportua për në spital në Maggiore.
Burri i saj, po ashtu shqiptar, 40 vjeç, kishte dyshime të forta se ajo e ka tradhëtuar. Duke mos u shqetësuar për praninë e fëmijëve të tyre në shtëpi, ai filloi ta rrihte gruan, e cila për t'i shpëtuar dhunës, ka vrapuar drejt dritares, duke u hedhur poshtë.
Në ato çaste, të thirrur nga fqinjët që kishin dëgjuar britmat, ambulanca dhe pesë makina të policisë kanë mbërritur në vendngjarje, raportojnë mediat italiane.
Prokurori i çështjes urdhëroi në përfundim të hetimeve, që burri të burgosej në Dozza, pasi u arrestua për vrasje të mbetur në tentativë.
K.M/ReportTv.al