Ditën e martë, autoritetet policore në Itali kanë vënë në pranga 2 persona, të dyshuar për vrasjen e 34 vjeçarit shqiptar Avenir Hysaj, në 21 shkurt të këtij viti.
Të arrestuarit janë Nicholas Luppino, 35 vjeç dhe Daniele Savoia, 23 vjeç, të dy nga Bra. Me urdhër të Gjykatës u sekuestruan edhe lokalet e rrjetit Arcobaleno, në rrugën XXIV Maggio, që drejtoheshin nga 35-vjeçari i arrestuar.
Hetuesit, dyshojnë se ai është pikërisht vendi ku u ekzekutua shqiptari. Më pas trupi i tij u hodh në pyll nga vrasësit e tij.
Më 21 Shkurt të 2021, Avenir Hysaj, një 34-vjeçar shqiptar me profesion murator që jetonte në Bra, Cuneo, u zhduk pa lënë gjurmë, pasi kishte shoqëruar prindërit pranë Pocapaglia për pazar dhe do të kthehej për t’i marrë.
Për të gjetur vendondodhjen e tij familja iu drejtua emisionit “Chi l’ha visto” që u mor me rastin dhe më 19 Mars, trupi i tij u gjet në pyll, jo shumë larg nga vendi ku ishte zhdukur.
Pas hetimeve të ndërmarra, u zbuluar se shqiptari ishte vrarë me tre plumba pistolete në kokë.
Sipas mediave italiane, dy të arrestuarit e kanë mohuar krimin. Prokuroria thotë se provat janë të pakundërshtueshme, edhe pse motivi i vrasjes vazhdon të mbetet I paditir. Mediat vendase theksojnë se autoritet dyshojnë se të akuzuarit janë anëtarë të familjes Luppino, eksponentë lokalë të ‘Ndrangheta.