Këshilli i Ministrave vendosi të mërkurën që të japë në shfrytëzim për një projekt kulturor “rezidencën qeveritare vila 31”, ish-shtëpia e diktatorit Enver Hoxha. Sipas vendimit, disa ambiente të kësaj ndërtese do të shfrytëzohen për realizimin e projektit kulturor “Vila Art Rezidencë Tirana”.
Zbatimi i projektit do të bëhet nga Ministria e Kulturës, e cila do të marrë përsipër vetëm tarifat e furnizimit me energji elektrike dhe ujë, si dhe koston e mirëmbajtjes së trajtimit të këtyre ambienteve gjatë gjithë periudhës së dhënies në shfrytëzim.
Ndërtesa gjendet në qendër të Tiranës në lagjen që njihet si ish-Blloku, ku gjatë diktaturës komuniste 1944-1991 jetuan familjet e kupolës së njërit prej regjimeve më të egra të Lindjes. Hoxha e drejtoi Shqipërinë me dorë të hekurt derisa vdiq në vitin 1985, ndërsa pasardhësi i tij, Ramiz Alia ishte i fundit president që iku nga pushteti në të gjithë vendet e Lindjes pas rënies së “Perdes së hekurt”.
Pas vitit 1991, shtesa e re e ndërtesës që ishte bërë në vitin 1973, u menaxhua nga Drejtoria e Shërbimeve Qeveritare dhe ka shërbyer për pritje zyrtare dhe aktivitete të ndryshme. Pjesa e vjetër e saj funksionon aktualisht si biznes, hotel dhe restorant.
Vendimi
SI.E./ReportTv.alKomente
Vila eshte e bukur e moderne e me sa duket do te jepet me qera perkohesisht per ndonje lloj ekspozite/projekt artistik.Nuk do te ishte keq sikur me fitimet e qerase, te zevendesohej ajo pjese e catise me tjegulla qe nuk shkon me aritekturen moderne te viles e ngjan me shtesat qe u kane bere shqipot pallateve vend e pa vend.Nje cati betoni si pjesa tjeter do te shkonte me mire.
PërgjigjuTurp, ajo shtepi gjarprinjsh, duhet te shkaterrohet ne themel, jo te behet faltore.
Përgjigju