Një gjykatë në Pakistan liroi të hënën një përdhunues të dënuar pasi u ra dakort se ai do të martohej me viktimën e tij, shkruan CNN. Ky vendim ka zemëruar aktivistët e të drejtave të njeriut të cilët thonë se vendimi rrezikon normalizimin e dhunës seksuale në vendin e Azisë Jugore.
Daulat Khan, 23 vjeç, u dënua në maj për përdhunimin e një 36 vjeçare të shurdhër në vitin 2020 në rrethin verilindor të Sëat.
Ai u dënua me burgim të përjetshëm dhe gjobë 100,000 rupi (rreth 440 dollarë).
Gruaja më vonë lindi një fëmijë si pasojë e përdhunimit, shtoi avokati i autorit. Të hënën, Gjykata e Lartë e Peshavarit liroi Daulat Khan pasi të dy u martuan ligjërisht në fillim të dhjetorit pas një marrëveshjeje jashtë gjykatës të bërë nga një këshill i të moshuarve që marrin vendime bazuar në ligjin e Sheriatit.
Sheriati - i njohur gjithashtu si ligji islamik - është një interpretim i teksteve dhe traditave të shenjta të besimit që ndryshon shumë në të gjithë botën muslimane.
B.V/ReportTv.al