TIRANE- Gent Gazheli, ish-ambasadori shqiptar në Turqi është emëruar në krye të Albpetrolit. Gazheli u prezantua ditën e sotme para stafit pas emërimit nga ministria e Infrastrukturës dhe Energjisë.
Kohët e fundit në ndërmarrjen shtetërore të naftës janë ndryshuar 3 drejtorë të përgjithshëm. Pas largimit të Kastriot Bejtajt, u emërua nga ministrja Balluku Dritan Spahiu.
Por edhe ky i fundit u zëvendësua nga Eriola Muka, të emëruar në tetor të 2019, por që javët e fundit u sulmua nga PD-ja që e akuzoi për shkarkime masive.
Më parë Gazheli ka qenë edhe drejtor i Parandalimit të Pastrimit të Parave deri në 2013, më pas u emërua ambasador në Turqi, ku qëndroi deri në 11 nëntor të vitit 2019.
//ReportTv.al