Në kundërshti të plotë me marrëveshjen bërthamore të vitit 2015 Irani rifilloi pasurimin e uraniumit në 20 për qind.
Zëdhënësi i Qeverisë iraniane, Ali Rabiei, tha për mediat lokale se procesi ka nisur në uzinën nëntokësore Fordow.
Uraniumi i pasuruar mund të përdoret për të bërë karburant për reaktorë, por edhe për bomba bërthamore. Uraniumi i shkallës së armëve është i pastër 90%.
Irani ka pezulluar disa pika të marrëveshjes bërthamore, qëkur SHBA-ja është tërhequr prej saj në vitin 2018 dhe ka rikthyer sanksionet kundër Republikës Islamike.
Agjencia Ndërkombëtare për Energji Bërthamore nuk e ka konfirmuar ende njoftimin e fundit të Iranit. Por, ajo ka thënë të premten se është informuar nga Irani se planifikon të rinisë pasurimin e uraniumit në 20 për qind, të cilin e ka theksuar gjithmonë se e përdor për qëllimi civile.
