Ministri indonezian i Tregtisë, Zulkifli Hasan, në konferencën për media në kryeqytetin Xhakarta tha se ndaluan shitjet në platformat e mediave sociale dhe se iu dha një javë kohë njerëzve për të respektuar rregulloren në fjalë.
Duke vënë në dukje se qeveria synon të mbrojë bizneset që shesin ballë për ballë, Hasan theksoi se me këtë vendim po mundohen të sigurojnë “konkurencë të ndershme dhe të drejtë”, raporton agjencia e lajmeve turke Anadolu.
Në deklaratën e tij të hënën, Hasan theksoi se mediat sociale dhe tregtia elektronike duhet të ndahen nga njëra-tjetra dhe të parandalohet përdorimi i informacionit personal për qëllime komerciale.
Ndalimi i shitjeve në platformat e mediave sociale pritet të ndikojë më shumë në TikTok. Thuhet se TikTok ka 325 milionë përdorues aktivë mujorë në Azinë Juglindore, 125 milionë prej të cilëve janë në Indonezi.
Një zëdhënës i “TikTok Indonesia” tha se rregullorja do të ndikonte në jetesën e më shumë se 6 milionë njerëzve në platformë.
S.S/ReportTv.al