Misioni i Indisë në Hënë ka bërë histori duke u bërë i pari që uli anijen kozmike të tipit Chandrayaan-3, në rajonin hënor të polit jugor.
Pas kësaj uljeje të suksesshme, India i bashkohet një klubi elitar të vendeve për të arritur një ulje të butë në Hënë, pas SHBA-së, ish-Bashkimit Sovjetik dhe Kinës, raporton BBC.
Festimet kanë shpërthyer në të gjithë Indinë pas arritjes së suksesshme. Kryeministri Narendra Modi e quajti uljen e suksesshme "një rast gëzimi".
"Ne kemi arritur atje ku asnjë vend tjetër nuk mundi", tha ai.
Modi po e ndiqte drejtpërdrejt ngjarjen nga Afrika e Jugut ku po merrte pjesë në samitin e Brics.
Është një fitore për qeverinë e Narendra Modi, e cila po e tregon Indinë si një lider në teknologji dhe një superfuqi globale bindëse.
Lajmi kryesor:
India shkruan historinë, anija e saj kozmike zbarkon në polin jugor të Hënës
S.S/ReportTv.al