Kemi dëgjuar shpesh për njerëz të cilët ofrojnë shpërblime monetare për kafshë shtëpiake të humbura, por kjo nuk është dëgjuar kurrë...shpërblim për një statujë gjeli.
Pronari shqiptar i një restoranti, Artan Shabani, në Wisconsin, në SHBA, ofron 1 mijë dollarë shpërblim dhe një vakt falas për këdo që do t’i gjejë dhe kthejë statujën e tij “gjigande” prej gjeli.
Shabani tha se sipas dëshmitarëve okular janë parë 2 burra të cilët kanë marrë përmes një furgoni statujën e gjelit.
Ai tha se statuja ishte gjëja e preferuar e njerëzve që vizitonin restorantin dhe se askush nuk humbiste mundësinë për t’u fotografuar me atë.
“Kam pasur kaq shumë njerëz që më dërgojnë me mesazhe në Facebook, me fotot e tyre me gjelin, njerëzim e duan atë gjë.”, tha ai.
Shabani tha se është në pritje të gjelit të tij, por nëse ai nuk i kthehet atëherë ai do të blejë një të ri.
J.GJ./ReportTv.al