Shkëlzen Lamuça, zjarrfikësi hero që i shpëtoi jetën dy vajzave të vogla të familjes Nanaj pas zjarrit që ra në një pallat në zonën e Astirit, në një intervistë në emisionin “Rreze Dielli” tregoi më tepër për ngjarjen e ndodhur gjatë asaj nate.
Morëm një thirrje nga salla operative dhe si gjithmonë shkojnë stacionet më të afërt. Unë si drejtues i autoshkallës shkova në vendngjarje, Banorët ishin të alarmuar, të shokuar” rrëfen ai.
Ndërsa tregoi se si shpëtoi dy vajzat e vogla 3 dhe 8 vjeç të familjes Nanaj, të cilat ndodheshin mes tymit në momentin që zjarrëfikësi Shkëlzen Lamuça I shpëtoi.
Në rastin e vajzave jam ngjitur dy herë. Me vajzën e madhe Silën, pastaj kam marr Nikolën, me të ishte më problem sepse ishte dhe më e vogël dhe qante. Edhe koha nuk të premton që të veprosh.
I pyetur për vizitën nga vogëlushet që shpëtoi dhe babi i tyre ai tha se u ndje shumë krenarë.
U ndjeva shumë krenar, shumë i lumtur. Ajo është kënaqësia e punës sonë kur marrim të tilla vlerësime.
Ndërsa gjatë bisedës, ai mori një mesazh suprizë nga Sila Nanaj, vogëlushja që shpëtoi nga zjarri, e cila e falenderonte sërish.
‘ Faleminderit që na zbrite nga shtëpia atë natë. E vlerësoj shumë. Të përqafoj’
Zjarrëfikësi hero tregoi më tepër për skuadrën e tij dhe si operojnë në rast zjarri apo fatkeqësie natyrore.
Ne jemi një skuadër prej 8 vetash në qendër, në raste nevoje që janë situata të mëdha vijnë edhe stacionet e tjera. Ndahemi në dy grupe, njëri për fikjen e zjarrit dhe tjetri për evakuimin e banorëve.
Pavarësisht se është një profesion që të përball me shumë rreziqe, për Shkëlzenin mbetet profesioni më i bukur në botë.
Është një profesion i vështirë, ka rreziqet e veta por është edhe shumë i bukur. Për mua është profesioni më i bukur" Shkëlzen Lamuça.
Kujtojmë që ditën e sotme zjarrëfikësi Shkëlqen Lamuça është nderuar me Medaljen e Mirënjohjes së Qytetit të Tiranës nga kryebashkiaku Erion Veliaj.
MC//ReportTv.al