Report Tv mëson se Klizjan Bajrami, 29-vjeçari që tentoi të digjte në datën 12 tetor lokalin "Urgjenca Club", në afërsi të stadiumit "Selman Stërmasi", u porosit nga Redi Balla, 24 vjeç, i njohur më herët nga policia, i plagosur në zonën e Komunës së Parisit në tetor 2021, i shpallur tashmë në kërkim nga policia.
Mbetet e paqartë se për çfarë arsye është kërkuar djegia e lokalit, por hetuesit kanë dyshime të ndonjë konfliki të pronarëve të lokalit me Redi Ballën.
Identifikimi i autorit të zjarrvënies u bë nga agjentet e Komisariatit nr. 2 përmes gjurmimit të kamerave të sigurisë, të cilat pas vëzhgimit identifikuan dhe lokalizuan autorin Bajrami.
Redi Balla mbeti i plagosur me një plumb në këmbë mbrëmjen e 12 tetorit të vitit të shkuar në mjetin e tij të parkuar pranë një lulishteje.
Agresorët përfituan atë natë pasi po luhej Shqipëri-Poloni në "Air Albania" dhe vëmendja ishte përqëndruar te ndeshja.
Lajmi kryesor:
Tiranë/ 29-vjeçari i vë flakën ‘Urgjenca Club’, u pagua 20 mijë lekë, vihet në pranga! Porositësi Redi Balla në kërkim, në 2021 i shpëtoi një atentati
M.T//ReportTv.al