DURRËS- Policia e Durrësit ka vënë në pranga Shpëtim Markun të shpallur në kërkim, një nga 21 komisionerët e Shijakut të dënuar për krime zgjedhore në zgjedhjet e vitit 2017.
Ai do të vuajë 5 muaj e 5 ditë në burg nga 1.8 vite, sipas dënimit të formës së prerë me gjykim të shkurtuar nga Gjykata e Shkallës së Parë Durrës.
Përveç dënimit me burg, Gjykata e Durrësit ka vendosur ta dënojë edhe me heqjen e të drejtës se ushtrimit të funksioneve publike për 5 vjet për 21 komisionerët.
Gjykata e Durrësit ka mbyllur gjykimin për dosjen 339 më 21 qershor të këtij viti, duke dënuar 21 komisionerët e Shijakut për krime zgjedhore për zgjedhjet e vitit 2017.
Prokuroria e përfaqësuar nga Afrim Shehu kërkoi dënim me burg dhe gjykata vendosur t'i shpallë fajtorë për akuzat. 21 komisionerët me pranimin e fajit nga ana e tyre kanë përfituar nga gjykimi i shkurtuar duke ulur dënimin me 1/3.
J.GJ.//ReportTv.al