KUKËS- 33-vjeçari Aleksandar Vukicevic, banues në Podgoricë është arrestuar në pikën kufitare të Morinës pasi ishte i shpallur në kërkim ndërkombëtar.
Aleksandar Vukicevic është arrestua me qëllim ekstradimi drejt Mali të Zi.
Në hyrje të Pikës së Kalimit Kufitar Morinë, shërbimet e Policisë Kufitare, si rezultat i kontrolleve me përzgjedhje dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar:
Në bazë të të dhënave në sistem, 33-vjeçari ishte në kërkim ndërkombëtar nga NCB Podgorica, pasi Gjykata e Shkallës së Parë Podgoricë e ka dënuar me 1 vit e 4 muaj burgim, për veprën penale "Shkelje e ligjit të narkotikëve", parashikuar nga legjislacioni penal i Malit të Zi.
Interpol Tirana, në bashkëpunim me autoritetet malazeze, vijon procedurat për esktradimin e këtij personi.
S.C/ReportTv.al