Ministrja e Jashtme e Gjermanisë, Annalena Baerbock, është detyruar të anulojë një udhëtim të profilit të lartë në Australi, pasi avioni i saj qeveritar u prish për herë të dytë.
Baerbock kishte shpresuar të arrinte në Australi në kohë për gjysmëfinalen e Kupës së Botës për femra, por në vend të kësaj mbeti e bllokuar në Abu Dhabi, pas dy përpjekjeve të dështuara për ngritje, raportojnë mediat e huaja.
“Ne verifikuam, dhe planifikuam të vazhdonim turin por në fund, për fat të keq, nuk ishte e mundur të avanconim me opsionet në dispozicion për udhëtimin në Indo-Paqësor pas daljes nga funksioni të avionit qeveritar”, u shpreh një zëdhënës i ministrisë.
Një fluturim i suksesshëm provë më vonë të hënën la të kuptohej se problemi ishte rregulluar, por kur Baerbock dhe delegacioni i saj i nëpunësve civilë dhe gazetarëve u ngritën sërish të martën, çështja u përsërit.
Ka pasur edhe më parë raste të përsëritura të avarive me këta avionë, të cilat kanë shkaktuar reagime të forta në Gjermani.
S.S/ReportTv.al