Policia e Tiranës arrestoi 2 punonjës të OSHEE-së për korrupsion, pas denoncimit në emisionin “Fiks Fare” se i kanë marrë shuma të ndryshme parash, një qytetari me qëllim rimbursimin e energjisë elektrike dhe ndryshimin e tarifimit për subjektin e tij furrë buke
‘Specialistët e Seksionit për Hetimin e Krimeve Ekonomike dhe Financiare, pas publikimit të pamjeve filmike, organizuan punën në drejtimin e Prokurorisë së Posaçme Kundër Korrupsionit dhe Krimit të Organizuar, për kapjen dhe vënien përpara përgjegjësisë ligjore të shtetasve që shfaqen në video.
Në vijim të veprimeve, specialistët e Seksionit për Hetimin e Krimeve Ekonomike dhe Financiare të DVP Tiranë arrestuan shtetasit:
- A. P., 54 vjeç dhe R. K., 63 vjeç, të dy banues në Tiranë, për veprën penale "Korrupsioni pasiv i personave që ushtrojnë funksione publike".
Në cilësinë e provës materiale u sekuestruan 500 000 lekë dhe 3 celularë.
Materialet procedurale i kaluan Prokurorisë së Posaçme Kundër Korrupsionit dhe Krimit të Organizuar, për veprime të mëtejshme.
Drejtoria Vendore e Policisë Tiranë falënderon emisionin investigativ "Fiks Fare", mediat dhe qytetarët, që denoncojnë rastet e paligjshmërisë dhe i fton sërish ata që të denoncojnë çdo rast paligjshmërie, në numrin 112, duke iu garantuar anonimat të plotë dhe reagim të menjëhershëm e të paanshëm.’-njofton policia.’- njofton policia.
M.Q./ReportTv.al
hahhaha po kjo skeme ka 10 vite, tani e moret vesh ju
Përgjigju