TIRANË- Policia e Tiranës ka arrestuar një 31-vjeçar, pasi është kapur duke shpërndarë kanabis në doza të vogla.
Gjatë kontrollit të banesës Jurgen Haxhijahja, autorit, në rrugën "Gjin Kuqali", policia gjeti dhe sekuestroi në cilësinë e provës materiale një sasi lënde narkotike të ndarë në dhjetëra doza, një shumë parash që dyshohet se është përfituar nga ky aktivitet i paligjshëm, tre aparate celulare dhe një peshore elektronike. I riu shpërndante drogë në zonën e në zonën e Shushicës.
Materialet i kaluan Prokurorisë së Rrethit Gjyqësor Tiranë, për veprime të mëtejshme, për veprën penale "Prodhimi dhe shitja e lëndëve narkotike".
J.GJ./ReportTv.al
Komento
