Një ngjarje e pazakontë ka ndodhur sot me një të burgosur i cili vuan dënimin ne IEVP Drenovë. Amarildo Ajdini, i dënuari në burgun e Drenovës në Korçë, orët e para të mëngjesit të sotëm përfundoi në spital pasi ka konsumuar një sasi të madhe ilaçesh.
Pasi është transportuar në spitalin rajonal të Korcës nga konsumimi i disa barnave mjekësore i dënuari kur është kthyer në qeli ka vjedhur nga dhoma e mjekut një bisturi të cilën gjatë kontrollit të ushtruar e kanë gjetur të fshehur mes rrobave të tij.
Vetëvrasja për të cilën i burgosuri tentoi të bëjë sot duke konsumuar ilaçe mund të jetë një nga arsyet që e shtynë këtë shtetas të vjedhë edhe bisturinë e mjekut.
I burgosuri e fshehu mjetin prerës në trup, por u kap "mat" gjatë kontrollit nga policia e burgut.
“Në IEVP Korçë ndaj të paraburgosurit Amarildo Hajdini është përpiluar raport incidenti si dhe është shoqëruar për në veçim për arsye se: Me datë 12.05.2022 rreth orës 01:10 kur është kthyer nga Spitali Rajonal Korçë, gjate kontrollit kur i paraburgosuri do behej hyrje ne IEVP Koçe, ju gjete në xhep një mjet prerës (tip bisturie) rreth 5 cm i gjatë. Në drejtim të të paraburgosurit u kryen veprimet procedurale dhe materialet ju kaluan për veprime të mëtejshme SHKBB”, thuhet në njoftimin e Burgut të Korçës.
Lajm në përditësim...
K.T.//ReportTv.al