Përfundon procesi i numërimit të votave të 'Kuvendi familjar' të Sali Berishës. Sekretari për Çështjet Ligjore, Ivi Kaso njofton se nga 1000 votues, 938 kanë votuar pro Berishës duke e rikonfirmuar në krye të Rithemelimit kurse 55 kanë qenë kundër.
"Në përfundim të procesit të numërimit është hartuar procesverbali përfundimtar dhe përmbledhës i këtij procesi, i cili përmban këto shifra. Numri i votuesve sipas listës së zgjedhësve, votuesve që u identifikuan që ishin në sallë, ishte 1203. Rezulton se numri i votuesve që kanë votuar është 1000, sa është edhe numri i fletëve të votimit që u gjetën në 6 kutitë e votimit. Numri i votave të vlefshme është 993, 7 vota të pavlefshme. Ndarja e votave është si më poshtë, kanë votuar pro 938 delegatë, kanë votuar kundër 55 delegatë. Në bazë të nenit 46 pika 9 e Statutit të Partisë Demokratike të Shqipërisë, rezulton se Sali Berisha është rikonfirmuar në krye të partisë", tha Ivi Kaso.
Lajmi kryesor:
VIDEO+Foto/ Berisha si Enver Hoxha, votëbesohet me 93.8% të votave në Kuvendin ‘familjar’ me karrige bosh! E braktis grupi i Bardhit e delegatët! Krah tij e bija, Argita
B.K/ReportTv.al