Ka hyrë në fuqi akti normativ që ndryshon buxhetin e shtetit të këtij viti duke rritur të ardhurat dhe shpenzimet. Të ardhurat parashikohet të arrijnë 650.1 miliardë lekë, nga 542.6 mld lekë që ishte në buxhetin fillestar.
Ndërkohë shpenzimet janë rritur nga 698.2 miliardë në 705.6 miliardë lekë. Sakaq deficiti është lënë i pandryshuar në vlerën 55.4 miliardë lekë.
Në këtë rishikim është caktuar edhe fondi prej 3.2 miliardë lekë i parashikuar për indeksimin e pensioneve që hyri në fuqi në 1 tetor. Po ashtu rritet buxheti në dispozicion të rindërtimit nga 5 miliardë që ishte shkon në 17 miliardë lekë.
Nga ana tjetër janë ulur pritshmëritë për të ardhurat e pushtetit vendor me 1.1 miliardë lekë. Në total pritet që bashkitë të mbledhin 64.4 miliardë lekë nga 65.5 miliardë që ishte parashikimi fillestar. Po ashtu janë rritur fondet e kontigjencës që përdoren për situata të paparashikuara me 1.2 miliardë lekë. Në total ky zë ka 13.4 miliardë lekë.
Në ndryshimet e në buxhet lihet e hapur edhe mundësia e daljes përsëri në tregjet e huaja për një eurobond, për të financuar një eurobond të mëparshëm që mbyllet me vitin 2025 dhe për të garantuar mbështetje buxhetore.
(Kliko këtu për të parë dokumentin e plotë)
M.Q.//ReportTv.al