Ilir Daja dhe Partizani nuk do jenë sëbashku në vitin 2022. Burime të Report TV bëjnë me dije se në takimin e shumëpërfolur me drejtuesit është vendosur që trajneri të marrë përgjegjësi për rezultatet negative në klubin e kuq, sidomos pas humbjes në derbi me Tiranën me datë 24 dhjetor kur Daja dha mesazhe lamtumire.
“Unë do ulem edhe me drejtuesit sepse dikush do mbaj përgjegjësi për gjendjen e Partizanit. Sigurisht në këto raste përgjegjësinë e mban trajneri. Pavarësisht se çfarë ka ndodhur dhe arsyet që ne kemi lënë pikë rrugës do mundohemi që të gjejmë një zgjidhje për Partizanin”, deklaroi Daja.
Daja ka dhënë edhe më herët dorëheqjen nga Partizani pas humbjes në derbin e parë, por në atë moment drejtuesit refuzuan, ndërsa tani është vendosur për t’i ndarë rrugët.
Ende nuk ka një emër se kush mund të jetë zëvendësuesi i Ilir Dajës te Partizani, por në stërvitjen e sotme në mungesë të Dajës drejtimin e mori Renaldo Kalari.
Ne.k./ReportTv.alKomente
Te marre shembull Lulzim Basha qe humbi kater here dhe prape nuk e pranon doreheqjen.
PërgjigjuDuhet qethur me bixhak