Figura të artit, kulturës dhe politikës kanë marrë pjesë sot në homazhet për mjeshtrin e madh Mirush Kabashin. Në hollin e Muzeut Historik Kombëtar u vendosën buqeta me lule në nderim të aktorit të madh të njohur si “Sokrati” shqiptar.
Aktori Luftar Paja për Report Tv shprehu vlerësimin e tij për figurën e Mirush Kabashit, duke e cilësuar si një figurë që do i mungojë kombit shqiptar.
“Sot përcjellim një figurë shumëdimensionale që do t’i mungojë kombit. Rrezatonte gjithë jetën mirësi. Ashtu si kishte emrin Mirush ashtu rrezatonte në art, në kulturë në shoqëri në familje. Kur ka qenë pedagog, ka pasur student djalin tim dhe kam mbresat më të mira për figurën e Mirush Kabashit”- tha Luftar Paja.
Lajmi kryesor:
Homazhet për ‘Mjeshtrin e Madh’/ Artistët të gjithë bashkë për Mirush Kabashin, e bija rrëfen aktorin: E deshi shumë jetën dhe publikun
B.V//ReportTv.al