Teksa në Bulevard përkujtoheshin 4 protestuesit e vrarë nga shteti, në kohën kur kryeministër ishte Sali Berisha, ky i fundit ka tentuar të prishë edhe homazhet për viktimat e 21 janarit.
Një protestues i tij, Daniel Katana, teksa kryeministri Rama ndodhej në Bulevard bashkë me familjarët e të ndjerëve, ka adresuar thirrje ndaj kreut të qeverisë duke e akuzuar këtë të fundit se i solli vetë për t’i vrarë.
“Vetë i çuat, vetë i vratë. Hajdutë”, ka thënë ai.
I riu është kontrolluar nga civilët, ndërsa dëgjohet të thotë se nuk ka bërë gjë.
“Nuk kam bërë gjë. S’kam pse të jap mjetet e identifikimit. Mos më prekni, s’bëra gjë. Më lini të qetë, më ktheni telefonin. Nuk bëra gjë! Nuk bëra asgjë,” thotë ai.
Sikur të mos mjaftonte ky gjest Berisha nga arresti i shtëpisë, mbështeti reagimin e protestuesit të tij, duke thënë se i përplasi të vërtetën në fytyrë Ramës.
"Stop terrorit ndaj të riut. Katër narkobanditë terrorizojnë të riun Daniel Katana i cili me guxim ia përplasi në fytyrë Edi Ramës duke i thënë për viktimat e 21 janarit se vet i çuat dhe i vratë", shkroi Berisha.
Katana është shoqëruar nga policia dhe po e marrin në pyetje. Gjithashtu do t’i kontrollohet edhe telefoni. Katana i lindur më 20.05.2003 me banim ne Allias Tiranë , aktualisht është student në gjuhet e huaja për Anglisht.
SI.E.//ReportTv.al