Stërvitja me pesha apo thjeshtë kardio ka qenë një ndër debatet më të përsëritura prej kohësh mes trajnerëve të fitnesit dhe të gjithë njerëzve nga bota e sportit në përgjithësi,
Në një artikull të publikuar në në revistën “Physiology and Behavior”, ekspertët e Harvardit kanë konfirmuar se të duhet pesha e trupit për të arritur stërvitjen optimale dhe për të qenë sa më i shëndetshëm në tërësi.
“Kjo stërvitje jo vetëm është efektive, por eliminon edhe një pjesë të mirë të justifikimeve për ta shmangur stërvitjen”,- nënvizohet në studimin e bërë.
Sipas ekspertëve, mjafton ta lëvizësh trupin në mënyrën duke ekzekutuar sa më saktë ushtrimet e nisura dhe nuk janë të nevojshme pajisjet.
Në këtë studim ku u mbajtën nën vëzhgim një grup me gra, të cilat u ndoqën për më shumë se 10 javë, reflektohet se nëse ushtrimet kryen saktë muskujt tonifikohen dhe nxitet mirëqenia e përgjithshme, përfshirë edhe atë mendore.
Studimi konkludoi me rezultate tejet pozitive për gratë e cila ishin pjesë e kësaj nisme, pasi pas 10 javësh stërvitje ndryshimet ishin shumë të dukshme sidomos në pjesën e barkut dhe belit, lirshmëri në lëvizje, fuqi trupore e rritur, dhe përmirësim të trupit në flekisbilitet.
Mbështetur edhe nga trajnuesit profesionistë si metodë, stërvitja me peshën e trupit rekomandohet të bëhet 3 deri në 4 herë në javë për rezultate sa më të mira.
K.M/ReportTv.al