GJERMANI - Tre nga fëmijët e Harry Kane u dërguan në spital pasi u përfshinë në një aksident automobilistik në Gjermani. Kreu i departamentit lokal të zjarrfikësve tha se ishin "me të vërtetë me fat" që asnjë nuk pësoi lëndime më të rënda.
Përplasja ndodhi rreth orës 17:15 me orën lokale të së hënës pranë Mynihut, kur Kane nuk ishte në Gjermani pasi udhëtonte për në Londër për ndeshjen e Bayern Munich në Ligën e Kampionëve kundër Arsenalit.
Fëmijët e Kane ishin në një furgon Mercedes kur një Renault u përplas me automjetin në autostradën shtetërore 2071 pranë Schaftlarn. Renault më pas goditi një Land Rover.
Asnjë nga nëntë personat e përfshirë në aksident nuk u plagos rëndë. Fëmijët e Kane, Louis tre vjeç, Vivienne, pesë dhe Ivy shtatë vjeç ishin në Mercedes. Një i afërm i Kane tha për BBC: "Ata janë mirë dhe shkuan në spital vetëm për një kontroll rutinë."
S.DH/ReportTv.al