Tregtia e shpendëve të gjallë vijon në tregjet e Beratit, pavarësisht urdhrit të Ministrisë së Bujqësisë për të pezulluar shitjen, për shkak të përhapjes së influencës aviare H5N8.
Fermerët shprehen se shpendët e oborrit janë të shëndetshme dhe kanë kryer vaksinimin çdo tre muaj. Disa prej tyre disponojnë dhe certifikatën e lëshuar nga veterineri.
"Ne kemi punuar dhe kemi bërë shërbime shpendëve nuk i kemi të sëmura përse mos ti shesim?", tha një fermer.
"Ne s'kemi zogj inkubatori, i kemi rritur në natyrë, nuk ka pse të ndalohet shitja", tha një tjetër, duke u ankuar se për shkak të frikës kanë rënë shitjet.
Tregtia e shpendëve të gjallë zhvillohet gjatë fundjavës në periferi të Beratit. Fermerë të ardhur nga fshatra të ndryshëm sheshin pula e rosa, ndërsa duket se këtë të shtunë numri i blerësve është i ulët.
SI.E.//ReportTv.al