Një shqiptar është arrestuar nga policia greke pasi dyshohej për 7 vjedhje në shtetin fqinj.
Policia fillimisht ka tentuar që të ndalojë dy persona në aksin Perdhika – Parga, të cilët dyshoheshin se kishin vjedhur një orë dore në një banesë në Perdhika, por vetëm njërin prej tyre kanë arrituar që ta vendosin nën pranga.
Personi i identifikuar është Adenis Binjaku, 30 vjeç, ndërkohë që personi tjetër, i identifikuar si Arben Qosja, 49 vjeç, ka arritur të arratiset nga efektivët e policisë duke shfrytëzuar errësirën dhe zonën e pyllëzuar.
Sipas njoftimeve të policisë dy shqiptarët janë autorë të vjedhjeve në 7 banesa në Syvota dhe Perdhika të Thesprotisë në periudhën 27-31 mars. Ata kanë arritur që të vjedhin 2255 euro, 3 ora me vlerë 900 euro, 3 celularë me vlerë 1900 euro, bizhuteri me vlerë 70 euro dhe rroba.
I arrestuari Adenis Binjakut, rezulton se ndodhej shtetin grek pa dokumente rregullta dhe nga kontrollet e bëra i janë gjetur 480 euro, 3 prozhektorë, një palë doreza, orë dore, celular, bizhuteri, ushqime dhe rroba.
Xh.K/ReportTv.al