Kombëtarja shqiptare e moshave U-21 në futboll nuk ka mundur të mbajë hapin e dy fitoreve, duke u mundur 4-1 nga moshatarët e Finlandës në ndeshjen e grupit E kualifikues për Europianin 2025.
Në stadiumin "Veritas" në Turku, vendasit iu falën Osto Liimatta që shënoi tripletë në minutat 4,6 dhe 48, teksa golin e katërt për Finlandën e shënoi Ylitolva në minutën 90+6.
Për tanët shkurtoi përkohësisht shifrat Adrion Pajaziti në minutën e 80-të të ndeshjes. Në grupin E kualifikues, Zvicra dhe Shqipëria janë në krye me gjashtë pikë, me kuqezinjtë që kanë një ndeshje më shumë të zhvilluar. Më pas renditjen Finlanda, Rumania dhe Mali i Zi me tri pikë, ndërsa Armenia me zero pikë.
Renditja
S.DH/ReportTv.al
Komento
