Athletic Bilbao - Mallorca do jetë finalja e Kupës së Mbretit në Spanjë, e cila do zhvillohet në datën 6 prill 2024. Në "San Mames", Bilbao fitoi 3-0 kundër Atletico Madrid dhe me rezultatin e përgjithshëm (4-0) në të dyja sfidat kalon më tej edhe falë formës së mirë të vëllezërve Williams.
Vetëm 13 minuta zgjati rezultati i bardhë në fushë, pasi Nico u kujdes që të pasonte për vëllanë, Inakin, me Williamsin e madh që dërgoi sferën në rrjetë. Më pas ishte radha e Inakit, që në minutën e 42 të asistonte për Nicon, duke dërguar rezultatin në 2-0.
Atletico dukej e pafuqishme dhe Guruteza në minutën e 61 "vulosi" ndeshjen për 3-0. Tanimë në finalen e madhe Bilbao gjen Mallorcan e Vedat Muriqit.
S.DH/ReportTv.al
Komento
