Serie A e futbollit është në javën e katërt. Roma mposhti me goleadë 7-0 Empolin (VIDEO) në "Olimpico", teksa Etrit Berisha u detyrua të nxirte topin shtatë herë nga rrjeta e tij, duke marrë vlerësimin më të ulët (5.3) në këtë duel.
Ndeshja u zhbllokua shpejt, teksa Romës iu deshën disa sekonda për të marrë penalltinë dhe gjetur golin e parë me Dybalën në minutën e dytë. Më pas Sanches në të tetën minutë gjeti golin e dytë, ndërsa Grassi (me autogol) mbylli pjesën e parë 3-0.
Pjesa e dytë ishte më kërkuese për Romën, me Dybalën që shënoi dopietën personale dhe golin e katërt të ndeshjes në minutën e 55-të. Më pas ishin Cristante, Lukaku dhe Mancini që gjetën golat për 7-0. Sulmuesi belg, Lukaku, i afruar pak javë më parë te Roma gjeti golin e parë me ekipin e ri.
Po për javën e katërt, Cagliari dhe Udinese barazuan 0-0, Frosinone fitoi 4-2 me Sassuolon dhe Monza barazoi 1-1 me Leçen. Fiorentina mundi 3-2 Atalantën në Firenze, në një ndeshje të luftuar.
Kujtojmë se kryendeshja e javës së katërt në Serie A foli për zikaltërit, me Interin që fitoi 5-1 në derbin me Milanin. Juventusi siguroi tri pikë duke mposhtur Lazion 3-1.
Renditja:
S.DH/ReportTv.al
