UTA Arad fitoi 0-2 me Mioveni në javën e 8 të zonës play-off në Rumani. Goli i parë i ndeshjes u shënua nga Erion Hoxhallari në minutën e 63 të ndeshjes. Një krosim nga këndi i Roger u shfrytëzua nga mbrojtësi shqiptar, që me kokë dërgoi sferën në rrjetë.
Mbrojtësi i Kombëtares gjen golin e parë në kampionat për këtë sezon, në një ndeshje kundër një rivali direkt në zonën e mbijetesës. Më herët Hoxhallari ka shënuar edhe në Kupë. Në fushë për miqtë ishte edhe Batha, teksa te Mioveni Krasniqi qëndroi në stol.
Kështu, UTA Arad është me një këmbë drejt mbijetesës. Me paraqitjen e mirë këtë sezon, Hoxhallari pritet të ketë një ftesë nga trajneri i Kombëtares, Sylvinho.
S.DH/ReportTv.al
Komento