E pabesueshme, por Romelu Lukaku është dëmtuar sërish. Inter ka marrë këtë lajm të keq mëngjesin e sotëm, teksa bëhet gati për t’u përballur me Bayern-in të martën në Champions League. Ky dëmtim në muskul vjen vetëm pak ditë pasi Lukaku bëri një pushim 2 mujor po për të njëjtën arsye.
Kështu që e sigurtë është se Inzaghi nuk do e llogarisë belgun për ndeshjen me Bayern Munchen, ndërsa gjasat janë të mëdha se 29-vjeçari nuk do jetë as me Juventusin, e programuar të dielën e 6 nëntorit në stadiumin “Allianz” në orën 20:45.
Sipas mediave italiane, gjendja e Lukakut do të vlerësohet ditë pas dite për të parë mundësinë nëse rrezikon Botërorin e Katarit dhe mbylljen e vitit 2022.
Aktualisht me fanellën e Interit në të gjitha kompeticionet, Romelu Lukaku është aktivizuar gjithsej në 5 ndeshje mes kampionatit dhe Champions-it, duke shënuar 2 gola dhe duke dhuruar gjithashtu edhe 1 asist për shokët e skuadrës.
Ne.k./ReportTv.al