Gjykata u jep të drejtë banorëve të Mirditës, pezullohen punimet për HEC-in dhe fabrikën e ujit, ndërhyn përmbarimi

166 banorë të fshtrave Thirrë, Sang dhe Hebe në Mirditë kanë fituar në Gjykatën Administrative të Apelit betejën kundër ndërtimit të HEC-eve dhe një fabrike uji në zonën e tyre. Gjykata vendosi bllokimin e përkohshëm të punimeve të shoqërisë “Sang1”. Banorët pretendojnë se HEC-i dëmton të vetmin burim ujor që ata kanë për vaditjen e tokave.

7 Shtator 2023, 12:26| Përditesimi: 7 Shtator 2023, 21:31

  • Share

Pas protestave të vazhdueshme dhe një beteje të gjatë ligjore, banoret e tre fshatrave në Fan të Mirdites kanë fituar betejen e parë ligjore me kompanisë që po ndërtonte një hidrocentralin dhe fabrikën e ujit në këtë zonë.

Gjykata Administrative e Apelit në Tiranë ka pranuar padinë e 166 banoreve te fshatrave Thirrë, Sang dhe Hebe, duke vendosur bllokimin e punimeve derisa çështja të gjykohet në themel.  Për zbatimin e këtij vendimi zbarkoi në terren këtë të enjte Zyra Përmbarimore e Lezhës, e cila me mbështejen e policisë bëri bllokimin e punimeve.

Vendimi i gjykatës u përshendet nga banoret dhe përfaqësuesit ligjor të cilët thonë se hidrocentrali merr të vetmin burim ujor që përdorin për vaditjen e tokave.

Leja për ndërtimin e HEC-it dhe fabrikës së ujit ishte dhënë më 20 qershor 2018 nga Këshilli i Basenit Ujor Mat, Agjencia e menaxhimit të Burimeve Ujore dhe Agjencia e Mjedisit.  Shoqëria “Sang1 shpk” kishte kryer deri më tani 50 për qind të volumit të punimeve.

B.K//ReportTv.al
Komento

Komente

  • denis: 07/09/2023 13:03

    Ndertimi i HEC-eve eshte shkaterim mjedisi,boshatisje te fshatrave...

    Përgjigju
  • Sondazhi i ditës:

    Si e vlerësoni takimin e Ramës me shqiptarët në Athinë?