New York-u ka ngritur padi kundër PepsiCo, duke vënë në dukje mbetjet plastike të gjigantit të pijeve.
Padia civile, e paraqitur në Gjykatën e Lartë nga Prokurorja e Përgjithshme e New Yorkut, Letitia James, pretendon se PepsiCo ka kontribuar në “shqetësimin publik” në lidhje me lumin Buffalo.
Ajo kërkon vendosjen e gjobave financiare dhe dëmshpërblimit për kompaninë, si dhe që PepsiCo ta ndalojë shitjen e mallrave në plastikë njëpërdorimshe që nuk paralajmëron për problemet mjedisore, raporton BBC.
“Të gjithë banorët e New Yorkut kanë të drejtën bazë për ujë të pastër, por paketimi dhe marketingu i papërgjegjshëm i PepsiCo po rrezikojnë furnizimin me ujë, mjedisin dhe shëndetin publik. Askush nuk duhet të shqetësohet për plastikën në ujin e tij të pijshëm, mbeturinat plastike që mbushin një breg piktoresk lumi apo ndotja plastike që dëmton jetën e egër”, tha James.
PepsiCo njoftoi se kompania është “serioze” për reduktimin e plastikës dhe është “transparente” në përpjekjet e saj.
S.S/ReportTv.al“Kjo është një çështje komplekse dhe kërkon përfshirjen e aktorëve të ndryshëm, nga bizneset, lagjet, ofruesit e reduktimit të mbetjeve dhe drejtuesit e komunitetit te konsumatorët”, tha një zëdhënës i PepsiCo.
