Gjoks pule i mbushur nga zonja Albana

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00. 

14 Dhjetor 2022, 10:25| Përditesimi: 14 Dhjetor 2022, 10:26

  • Share

Gjoks pule i mbushur

Përbërësit:

  • 600 gr gjoks pule
  • 150 gr domate
  • ½ tufë majdanoz
  • 100 gr djathë kaçkavall
  • Bukë e thërrmuar
  • Bishta qepësh
  • Kripë, piper
  • Vaj për skuqje

Përgatitja:

Gjokset e pulës i kemi ndarë dhe rrahur mirë dhe më pas marinuar me kripë dhe piper.

Bashkojmë në një tas domatet e prera në kubikë, majdanozin e grirë imët dhe bishtat e qepëve të grira hollë. Shtojmë pak bukë të thërrmuar dhe e përziejmë mirë. Vendosim 1-2 lugë në gjokset e filetuara të pulës, mbi mbushje vendosim nga një fetë të hollë djathi dhe i mbështjellim duke i vendosur në një tavë me letër pjekje. I spërkasim në fund me pak vaj dhe i vemdosim në furrë të paragrohur në temperaturën 200 gradë Celsius për 20 minuta. Në fund shtojmë pak djathë kaçkavall të grirë dhe i vendosim në furrë dhe për 5 minuta të tjera.  

MC/ReportTv.al
Komento
  • Sondazhi i ditës:

    A respektohen të drejtat e punëtorëve në Shqipëri?