GJIROKASTËR- Një situatë e pazakontë është regjistruar në Gjirokastër, ku një burrë pasi është divorcuar nga gruaja ka tentuar që t’i marrë fëmijën pa leje.
Ka qenë ish-bashkëshortja e cila ka bërë denoncimin në Polici.
Sikur kjo të mos mjaftonte, 34-vjeçari me inicialet I. D., banues në fshatin Nokovë, nuk i është bindur urdhrit të punonjësve të Policisë gjatë shoqërimit në Komisariatin e Policisë.
"Specialistët e Seksionit për Hetimin e Krimeve në Komisariatin e Policisë Gjirokastër referuan materialet në Prokurorinë pranë Gjykatës së Shkallës së Parë Gjirokastër për shtetasin I. D., 34 vjeç, banues në fshatin Nokovë, Gjirokastër, pasi ka bërë kallëzim ish-bashkëshortja e tij se 34-vjeçari ka tentuar të marrë pa leje, vajzën e tyre të mitur. Gjithashtu, ky shtetas nuk i është bindur urdhrit të punonjësve të Policisë gjatë shoqërimit në Komisariatin e Policisë Gjirokastër", njofton Policia.
B.K.//ReportTv.al
