GJERMANI- 11 persona janë arrestuar nga policia gjermane në portin e Hamburgut ku u gjetën 48 kilogramë kokainë. Droga e nisur nga Amerika Latine ishte fshehur në një konteiner.
Sipas zyrës së hetimit doganor në Hanover, i dyshuari kryesor si kreu i grupit kriminal është një 39 vjeçar shqiptar, i cili gjithashtu është vënë në prangat e policisë.
Kokaina, e cila nëse nxirrej në treg për shitje nga grupet kriminale, kapte vlerën e 4.2 milionë eurove, ishte mbështjellë me tufa pakot me fleta formati në konteinerin që mbërriti në portin e Hamburgut.
Mësohet se fillimisht, u arrestuan 6 persona, ndërsa 5 të tjerë ranë në pranga pas kontrolleve të policisë në 14 ndërtesa në Bremen, në të cilat u gjetën edhe 160 gramë kanabis, peshore precize, ora të shtrenjta dhe 900 euro cash.
B.V/ReportTv.al