Ditën e sotme, ministri gjerman i Shëndetësisë bëri me dije se duke filluar nga data 2 shkurt, Gjermania do të heqë detyrimin e mbajtjes së maskave në trenat dhe autobusët në distanca të gjata, një nga kufizimet e fundit për COVID-19, publikuar në Associated Press
Vende të tjera evropiane nuk e kanë më në fuqi ligjin i cili detyronte njerëzit të përdornin maska në vende publike apo transport publik dhe javët e fundit Lauterbach u përball me presion në rritje për të ndjekur shembullin. Maskat mbeten të detyrueshme në praktikat e mjekëve, ndërsa maskat dhe testet negative kërkohen ende për të hyrë në spitale apo azile. Rregullat për transportin lokal janë një çështje e 16 qeverive të shteteve të Gjermanisë dhe një numër në rritje po heqin kufizimin e mbajtjes së maskave.
Rregullat e transportit në distanca të gjata ishin planifikuar të përfundonin më 7 prill, megjithëse legjislacioni lejon që ato të pezullohen më herët nëse situata është më e mirë se sa pritej.
Një nga virologët kryesorë të Gjermanisë pas periudhës së Krishtlindjeve dhe konstatimeve të kryera tha se pandemia ka mbaruar.
F.D//ReportTv.al“Situata pandemike është stabilizuar,” tha ministri të premten, pasi ka një numër të ulët të personave të infektuar dhe atyre të shtruar në spital.