Kufoma e një shqiptari është gjetur në një ishull në Greqi.
Mediat greke raportojnë se në ishullin Paro është gjetur një burrë me origjinë shqiptare i moshës rreth 35-45 vjeç.
Kufoma, me shkallë të lartë dekompozimi u gjet nga kalimtarë të rastit në Agio Anargiron të cilët më pas sinjalizuan policinë.
Nga hetimet e deritanishme rezulton se viktima ka plagë në kokë. Ende nuk është bërë me dije identiteti i shqiptarit, por ndërkohë hetimet vijojnë për zbardhjen e plotë të ngjarjes.
Po vijon ekspertiza mjeko-ligjore për të përcaktuar nëse është vrarë apo ka rënë nga ndonjë lartësi.
Pas gjetjes së trupit të pajetë të një 28-vjeçari shqiptar në Greqi, autoritetet helene vijojnë hetimet.
Sipas mediave greke, shqiptari që nga viti i kaluar jetonte në një Manastir ndërsa gjatë ditëve të fundit ishte larguar prej aty dhe ishte zhdukur.
Nga hetimet e para rezulton se plagët në kokë që kishte shqiptari, dyshohet se nuk vijnë nga ndonjë akt kriminal.
Megjithatë do të jetë ekspertiza mjeko-ligjore që do të hedhë dritë mbi shkaqet e vërtetë të vdekjes së shqiptarit.
Kufoma e 28-vjeçarit shqiptar u gjet ditën e djeshme në ishullin Paro në Greqi gjatë paradites. Trupi ishte në një shkallë të lartë dekompozimi dhe u gjet nga kalimtarë të rastit.
