Një i moshuar, i identifikuar si Ramazan Kupi, 69-vjeç, u gjet i pa jetë mëngjesin e sotëm në Elbasan, ku fillimisht u dyshua se ai mund të ishte vrarë, për shkak të shenjave të dhunës në trup.
Ngjarja u regjistrua në lagjen "Vullnetari", ku i moshuari kishte disa plagë në kokë e në duar. Ndërkohë Policia ka sqaruar se dyshohet se 69-vjeçari ka prerë damarët e duarve me thikë dhe më pas është vetëhedhur nga kati i 4 i pallatit ku banonte. Ai jetonte i vetëm në banesë.
"Në vijim të informacionit paraprak të dhënë për një person të gjetur pa shenja jete në anë të rrugës në lagjen "Vullnetari", Elbasan, ju informojmë se:
Nga veprimet hetimore të kryera nga grupi hetimor nën drejtimin e Prokurorisë së Rrethit Gjyqësor Elbasan rezulton se trupi i pajetë i përket shtetasit R.K., 69 vjeç, banues në Elbasan.
Nga kqyrja e turpit dhe e banesës rezultoi se ky shtetas jetonte i vetëm në banesë dhe dyshohet se ka prerë damarët e duarve me mjet të mprehtë (thikë) dhe më pas është vetëhedhur nga kati i 4 i pallatit ku banonte.
Grupi hetimor vijon punën për sqarimin e plotë të rrethanave të ngjarjes", njofton Policia.
Të tjera detaje bëhen me dije nga ngjarja që u regjistrua mëngjesin e sotëm në Elbasan, ku u gjet i pajetë në rrugë një 70-vjeçar, ende i paidentifikuar. Mësohet se në trupin e viktimës janë konstatuar plagë të shumta në trup, ku ka prerje të thella në pjesën e kyçeve të duarve. Po ashtu edhe gjunjët e viktimës janë të dëmtuara.
Parametrat e rendit e sigurise ne nivele te ulta. Komponenti i parandalimit i kompromentuar, zbulueshmeria le per te deshiruar. Organet ligjzbatuese e sidomos policia duhet te tregohen me profesional.
Përgjigju