Prej fillimit të vitit 32 mijë fëmijë kanë përfituar bonusin e bebes, me mbështetjen direkte të qeverisë, përmes programit të Mbrojtjes Sociale. Kryeministri Edi Rama ndau sot në rrjetet sociale statistikat më të fundit mbi përfituesit e kësaj politike të qeverisë.
“32 mijë fëmijë kanë marrë këtë vit bonusin e bebes, mbështetje të cilën nuk e kemi ndalur për asnjë moment për familjet e reja që gëzohen me fëmijë”, shkruan Rama.
Bonusi i bebes është një ndihmë që jepet nga janari i viti 2019 për të gjitha familjet që bëhen me fëmijë, pavarësisht statusit social-ekonomik. Bonusi përfitohet menjëherë nëse prindërit e regjistrojnë të porsalindurin në zyrën e posaçme të hapur në çdo maternitet në vend dhe përfitohet në dy pjesë nëse prindërit zgjedhin ta regjistrojnë fëmijën e tyre më vonë.
Për fëmijët që lindin në spitale private, apo jashtë vendit, çeku i bebes lëshohet nga Ministria e Shëndetësisë pas regjistrimit të të porsalindurit në zyrat e gjendjes civile. Prindwrve u jepet njw çek 40,000 lek për fëmijën e parë 80,000 lek për fëmijën e dytë; 120,000 lek për fëmijën e tretë e më tej.
M.Q./ReportTv.al
