Arsenali ka tërhequr nga shitja fanellën e re "të shtëpisë" prej 120 eurosh, ndërkohë që është korrigjuar një "gabim dizajni". Fanella e re nderon sezonin e 'Të Pamposhturve', 20 vjet nga koha kur skuadra e Arsene Wengerit shkoi e pamposhtur gjatë një sezoni të tërë drejt titullit në Premier League (2003-04).
Adidas tha se fansat që e kanë blerë tashmë fanellën do të rimbursohen. Brenda dizajnit të fanellës 'autentike' të shtëpisë 2023-24 e cila ka një çmim me pakicë prej 120 eurosh , rezultati i 38 ndeshjeve nga Premier League 2003-04 detajohet me një rresht W dhe D për të theksuar fitoret.
Fanella e veshur nga lojtarët kishte gabimisht vetëm 32 nga ato rezultate W (win-fitore). “Fanellat autentike të Arsenalit 2023-24 nuk janë përkohësisht të disponueshme ndërsa një gabim dizajni po korrigjohet”, tha Adidas.
“Ne po punojmë ngushtë me klubin dhe partnerët tanë për të siguruar që fanellat e rimbushura të jenë të disponueshme sa më shpejt që të jetë e mundur dhe po ofrojmë rimbursime të plota për tifozët që kanë blerë tashmë një të tillë. Ky gabim dizajni bie poshtë standardeve që i kemi vendosur vetes si markë dhe i kërkojmë falje klubit dhe tifozëve të tij", thuhet nga Adidas.
S.DH/ReportTv.al