Futbolli i vajzave, synohet dyfishimi i lojtareve në 2026! Projekti mbështetet nga UEFA e FIFA

24 Nëntor 2023, 20:44| Përditesimi: 24 Nëntor 2023, 21:04

  • Share

Tri vitet e ardhshme në futboll, do të jenë të dedikuara për futbollin e vajzave nëpërmjet një strategjie të posaçme. Projekti i ndërtuar në bashkpunim mes FSHF-së, UEFA-s dhe FIFA-s, synon dyfishimin e numri të vajzave në Shqipëri të cilat merren në futboll. Nga 2 mijë aktualisht në 4 mijë, si dhe krijimin e kampionateve të moshave për vajza si U-15 dhe U-17. 

“Kjo strategji, për realizimin e saj, mbështet në ndryshimin e infraskturës dhe krijimin e kushteve më të mira për vajzat, në promovimin e futbollit të vajzave, në përmirësimin e elitës siç është Vllaznia apo ekipi kombëtar, por shtimi i numrit të vajzave të cilat merren me futboll”, tha Duka.

Ky projekt do të prekë edhe shkollat, që deri më tani kanë përqafuar organizimin e klasave sportive të volejbollit dhe basketbollit.

“Jam e bindur se edhe kjo strategji, rising stars, ka komponentin e saj në investimin e ekipeve të shkollave të vajzave në futboll”, tha ministrja e Arsimit, Ogerta Manastirliu.

Ndër të tjera qëllimi është për të rritur edhe nivelin, ndaj janë parashikuar edhe bashkpunime me klube të njohura.

SI.E.//ReportTv.al
Komento
  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?