Berisha, President i Republikës, tenton të hedhë poshtë pelerinën “Arsidi”. Ai e veshi këtë skandal që në të hyrë në kështjellën e pushtetit.
Që ditët e para të Presidencës thërriti në zyrë një qytetar nga Bota, që quhet Nicola Arsidi. Të dy së bashku bënë “planin” si të ulej apo edhe të shlyhej borxhi i jashtëm i shtetit. (Një Nicola i rastësishëm do të shlyente me magji borxhin tonë prej miliardash!). Presidenti i Republikës bëri pazarin: “Ke (kemi) në dorë 1 milionë e 600 mijë dollarë”. Shuma doli nga banka dhe fluturoi. Pas dy ditësh Nicola na shfaqet në televizionin shtetëror duke i vënë një dekoratë në qafë zotit President. “Europa po dekoron Persidentin”, ky ishte morali. Më e keqja se doli që dekorata ishet “dekoratë çokolatë”. U nxi e tërë puna: As borxhi i jashtëm lëvizi nga vendi, as dekorata ishte sekoratë.
Shtypi e nxori të vërtetën mbi sipërfaqe.
Mbaj mend që me sjemtë e rinj të gazetës “Koha Jonë” punontë natë e ditë edhe avokati Ngjela për të zbuluar skandalin në rrugë sa më ligjore. Dhe ia dolën.
Presidenti e pranoi skandalin. Por në vend që të shfaqej publikisht me fajësi për vete, mbushi burgjet me drejtorë bankash, me guvernatorin e Bankës, me kryeministrin e qeverisë së stabilitetit…
Berisha nisi të hedhë poshtë pelerinën “Arsidi” që i ishte veshur pas trupit.
Si do ta hedhë, si Makbeth, apo si Suift?
Edhe Suift është një legjendë. Lundërtari Suift u ndodh në ujërat e detit, i vetëm, mes balenash. Ç’tu t’u jepte balenave, trupin e tij, apo fuçitë bosh të anijes? Lubitë e detit u morën me fuçitë bosh, dhe Arsidi iu drejtua brigjeve.
Arsidit i hidhet duri i arrës
Zëvendëskryeministri Uka dhe Ministri i Financave Ruli, janë kapur në një aferë korruptive në shitjen e drurit të arrës. Kryetari i shtetit e mbajti pak kohë në duar, por tani ka vendosur ta bëjë të madhe. Po i dërgon në gjyq të dy përsonalitetet e Qeverisë.
Çfarë zgjidh kjo me “Arsidin?”, mund të bëhet pyetja.
I hidhet opinionit si një çeshtje që “ia vlen të merret”. Deri sa ta bluajë opinioni, kanë kaluar ca muaj. Shkarkohet Presidenti nga “pandershmëria”? Si? “Po ja- thonë njerëzit- është i ndershëm, po sakrifikon shokët e tij më të afërt”. Kjo pi shumë ujë, sepse janë dy persona të lartë në qeveri, dy bashkëpunëtorë të ngsuhtë e dy themelues të PD.
A është “arra” një lëvozhgë boshe si fuçitë e Suiftit? – pyetja e dytë.
Tërë vlera e dosjes është 8000 dollarë. Të jetë ç’të jetë, me këtë vlerë nuk mund ta konsiderosh të madhe një çeshtje. Përveç që mund të rezultojë tërësisht bosh. Por Berishës i duhet të largojë “balenat” nga vetja.
Nano me Arsidin, ndërsa Pashko –djalë i mirë i familjes
Mësohet se Fatos Nano, kryetar i Partisë Socialiste, i burgosur politik në Bençë, do të thërritet dëshmitar në gjyqin e çeshtjes “Arsidi”. Këtu gjykohet Kryeministri në post në kohën e “Arsidit”, si dhe dy bankierët më të shquar.
Ndërkohë mësohet se do të thërritet si dëshmitar në gjyq edhe Gramoz Pashko, një ish- fondator i PD, ish- zëvendëskryeministër në Qeverinë e Stabilitetit, aktualisht në partinë e “mocionistëve” kundër Berishës.
Cili është qëllimi?
Fatos Nano, meqë është nën pranga, mendohet se lehtësisht do të mund të ngarkohet edhe me një akuzë tjetër bosh: “skandali Arsidi”. Edhe pse ky njeri ishte në burg kur Berisha jeranonte me një dallkauk, Arsidi. Krejt sipas praktikave të vjetra të diktaturës: “Armik je, mbaje edhe këtë akuzë, ç’të gjeti!?”. Aq më tepër që në opinion hahet mirë simitja: “ Në burg të rrijnë komunistët e poshtër, ata i bënë të gjitha”.
Ose të paktën, dëshmitari i paragjykuar nga piramida e shtetit, duke u shfaqur para trupi gjykues, do të marrë, sidoqoftë, edhe një njollë tjetër.
Ndërsa Gramos Pashko thërritet dëshmitar në gjyq si përsonazh pozitiv i “filmit”. Nuk ka rëndësi çfarë do të dëshmojë dëshmitari Pashko. Rëndësi ka çfarë do të dëhmojë kryetari i shtetit me anë të propagandës së tij. Ky, me siguri, do të thotë: “E shikoni, Pashko është kunati i Rulit, armik i PD, por i ndershëm”.
Brenda të njejtës familje, njëri i korruptuar dhe tjetri i ndershëm. Kjo vlen për të treguar Berishën “të ndershëm e të papanshëm”.
Të hiqet kryetari i Gjykatës së Kasacionit
Kryetari i Gjykatës së Kasacionit po akuzohet me të gjitha bateritë prej mediave qeveritare. Po i vjen rrotull largimi. Kanë shpikur sikur “kryetari Brozi ka një aferë me një qytetar grek, të cilin Gjykata e Lartë e shpalli të pafajshëm nga një çeshtje gjyqësore”.
Zef Brozi i korruptuar? Megjithatë Partia heq edhe kryetarin e Gjykatës së Kascionit po t’i thotë mendja.
“Arsidit” i duhet patjetër koka e kyetarit të Kasacionit, ndryshe pelerina e tij i mbetet veshur Berishës. Është shumë e qartë. Dosja “Arsidi” përgatitet të ngjisë shkallët e gjykatave. Do të vijë puna në Kasacion. Berisha e di se Brozi nuk çedon para drejtësisë, ai “është një budalla i pandreqshëm”. Nga dosja “Arsidi”, kryetari i Kasacionit do të fillojë të tërheqë ca pyetje si fijet e lëmshit. Për shembull, doemos do të bëjë pyetje se kush u shpërblye në skandalin Arsidi?… Kush mori dekoratë Arsidi? Del se ka marre Presidenti Berisha… Mund të pyesë me sa dollarë u shoqërua dekorata. Do të paraqitet një shumë sidoqoftë. Edhe 1 dollar e nxinë Berishën që bën si puro i ndershëm…Mund të pyesë gjyqtari Brozi pse Berisha nuk e kthen mbrapsht dekoratën që ka marrë, etj.
E keqja tjetër që kryetari i Kasacionit ta kthejë çështjen për plotësime hetimore. Kjo është baras me një fatkeqësi për “pelerinën” e shtetit.
Atëhere më shkurt. Për të mos rrezikuar që të dalë e vërteta, të hiqet nga detyra edhe kryetari i Kasacionit.
Pelerina “Arsidi” që e mban veshur Berisha, mund të varet, sa andej këndej./Fjala.al
G.MO//ReportTv.al