Në pamundësi për të bërë një goditje të bujshme Manchester United që ishte në emergjencë në sulm në merkaton e janarit huazoi nga Kina, konkretisht nga ekipi i Shangait, Odion Ighalo.
Pavarësisht se janë bërë më shumë se 10 ditë nga mbërritja e tij në Manchester, futbollisti ende nuk ka bërë ndeshjen e parë, për më shumë ende nuk ka kryer stërvitjen e parë me shokët e skuadrës. Siç raportojnë mediat në Angli, klubi kërkon të sigurohet plotësisht që Igalo, nuk është prekur nga virusi vdekjeprurës Koronavirus, i cili është përhapur në Kinë dhe deri më tani i ka marrë jetën më shumë se 1100 personave.
Si rrjedhojë Ighalo stërvitet veçmas, në një zonë të Manchester-it që ende nuk dihet. Kjo deri sa të bëhen 14 ditë, kohë në të cilën virusi qëndron i fshehur.
Ne.k./ReportTv.al