Pas miratimit të ligjit në dhomën e lartë të parlamentit britanik që i hap rrugën dërgimit të azilkërkuesve në Ruanda, një pjesë e emigrantëve kanë filluar t’u shmangen kontrolleve të autoriteteve.
Mediat britanike raportojnë se mijëra persona në Britani mund të jenë zhdukur gjatë tre muajve të parë të vitit, mes tyre janë edhe 1633 shqiptarë, të cilët shmangën kontrollet që kryhen rregullisht me telefon ose ballë për ballë në komisariatet e policisë.
Një dokument zyrtar informues i brendshëm i Zyrës së Brendshme vitin e kaluar paralajmëroi për rrezikun e zhdukjes së migrantëve “nëse aftësia për të gjurmuar njerëzit tejkalohet nga kërkesa e madhe”.
Deputeti konservator Tim Loughton, paralajmëroi më herët se rreth 33,085 emigrantë të paligjshëm mund të zhdukeshin sepse nuk ishin në qendra të sigurta dëbimi.
Xh.K/ReportTv.al