FRANCË- Një ngjarje e rëndë ka ndodhur në Moselë, të Francës, ku Liridon B, 23-vjeçari me origjinë kosovare, ka vrarë brutalisht me thikë, Stéphanien, një 21-vjeçare, mesnatën e së dielës, në sytë e vajzës së tyre 4-vjeçare.
Autori e qëlloi 21-vjeçaren 5 herë me thikë, duke e lenë të vdekur, në një rrugë pranë shtëpisë së tyre dhe është larguar nga skena e krimit, përpara se policia të mbërrinte.
Liridon.B është një person i njohur për policinë, pasi është dënuar më parë për drejtimin e automjetit pa licencë, apo në gjendje të dehur si dhe tejkalimin e shpejtësisë.
Sipas mediave franceze, Liridoni kishte vuajtur një vit dënimin me burg, por së fundmi ishte lënë në “arrest shtëpie”, për të mbështetur financiarisht gruan dhe fëmijën e tij në jetën dhe detyrimet e përditshme.
Nëna e re, ka lenë pas vajzën e tyre të vogël, 4-vjeçare, e cila është nën kujdesin e mjekëve pas shokut që kaloi, pasi pa skenën e tmerrshme të krimit.
Pas ngjarjes së rëndë e cila tronditi, autori i vrasjes makabre është arrestuar dhe aktualisht ndodhet në paraburgim.
J.GJ./ReportTv.al