Ditët e fundit, në plazhet e Francës të cilat janë të mbushura plot me pushues janë kapur edhe disa pamje dramatike, ku shihen dhjetëra emigrantë të paligjshëm që hipnin në gomone për të arritur në Britaninë e Madhe përmes kanalit La Mansh.
Një fotograf francez i ka realizuar fotografitë në plazhin e Boulogne-Sur-Mer që ndodhet rreth 31 milje larg ishullit të premtuar përmes kanalit të La Manshit.
Në gomone kanë hipur gra të veshura me hixhab dhe fëmijë të mitur, teksa bashkëmoshatarët e tyre po pushojnë në brigjet e Francës me familjarët e tyre.
Tashmë dihet se Kanali i La Manshit është një ndër rrugët më të shkurtra për emigrantët e paligjshëm që duan të arrijnë në Britaninë e Madhe, ku prej shumë vitesh kjo rrugë është zgjedhur jo vetëm nga të huajt por edhe nga shqiptarët, të cilët kanë qenë shpesh në faqet e para të mediave britanike.
Franca dhe Britania shpesh herë kanë pasur marrëveshje për parandalimin e këtij fenomeni të paligjshëm, i cili pavarësisht masave, emigrantët vijojnë ende të kalojnë me gomone.
S.S/ReportTv.al