Kur shifrat e infektimeve të reja nga koronavirusi po shënojnë rekorde të reja dhe situata në spitale po rëndohet, një pjesë e politikanëve në vend që të japin një shembull për të gjithë qytetarët po tregojnë papërgjegjshmëri me sjelljen e tyre duke mos respektuar masat anti-COVID.
Së fundmi 'sfiduesit' e COVID-19 kanë qenë ministrja e Shtetit për Marrëdhëniet me Parlamentin, Elisa Spiropali dhe deputeti Halit Valteri.
Në fotot e mëposhtme, të publikuara nga vetë Valteri, duket qartë se në një takim të përbashkët në Bathore të Kamzës deputeti dhe ministrja janë në një ambient të mbyllur me mbi 40 persona të tjerë, të gjitha pa maska. Ndërkohë që Akti Normativ i miratuar në Kuvend e thotë qartë se në ambiente të mbyllura nuk mund të ketë më shumë se 10 persona të mbledhur, kjo sjellje e politikanëve është e patolerushme.
K.T./ReportTv.al
