Reshje të dendura shiu kanë përfshirë disa zona të Italisë, duke shkaktuar përmbytje të mëdha.
Në një video të publikuar në mediat italiane, duket se si në ishullin Elba, shiu intensiv në orët e para të mëngjesit të sotëm, ka krijuar “lumenj të rrëmbyeshëm’ nëpër rrugë, duke marrë me vete automjete.
Zona më e prekur nga moti i keq është Rio Marina, ku lugina e Riale është përmbytur plotësisht.
Mbrojtja Civile është mobilizuar për të hequr një furgon që uji i rrëmbyeshëm e çoi në kanalin e Rios, nga ku deri më tani rreth 15 makina tashmë janë hequr.
Përgjatë rrugës provinciale të Paratës, që lidh Rio nell'Elba me Cavo, ka pasur rrëshqitje të tokës nga argjinaturat në rrugë, si dhe ka pasur ndërhyrje nga Mbrojtja Civile për shkak të gurëve të pasigurt përgjatë rrugës provinciale për në Portoferraio.
K.M/ReportTv.al